الجديد الأقسام الأخبار راسلنا

فيلم الفلاحين أهم - El Falahin Ahom Movie

 لمشاهدة جديد الفيديوهات اضغط هنـــا

اخبرنا عن فيديو لا يعمل من هنا

8 عدد المشاهدات

  • Thanks! Share it with your friends!

    You disliked this video. Thanks for the feedback!

Hayeil-TV
Published

محروس الشاب الرياضى ينتقل من الريف للقاهرة ليحقق مزيدا من الشهرة ويستعد لمباريات فى الملاكمة أمام حمادة الأسمر بطل الإسكندرية وعلام بطل الوجه القبلى فى تصفيات بطولة الجمهورية، ليواصل التدريبات الشاقة ويتجنب النساء القاهريات... ينزلق محروس أمام اغراءات الراقصة شوشو التى تحتال حتى توقعهفى حبائلها لعرقلته عن الفوز فى المباريات الحاسمة وذلك بتحريض من منافسيه. يتعلق محروس بمنى الفتاة المستقيمة التى تعجب بشخصيته وتقتنع بصدق نواياه وتدفعه للفوز كما تشجعه على التدريب بروح عالية، يقرر محروس ضد شوشو بعد اكتشاف خطتها الدنيئة لاضعافه واثنائه عن مواصلة طريق البطولة، يتطلع لتأكيد علاقته الشرعية بمنى عقب تحقيق الفوز المنشود.

إجتماعي - تشويق - انتاج سنة 1992

الابطال
سعيد صالح
هياتم
عماد محرم

الاخراج \ ناصر حسين
المؤلف \ ناصر حسين

 

شاهد 
بدون تحويل لمواقع اخرى أو فتح صفحات كثيرة.. بدون اعلانات و بدون تقطيع
 شاهد جميع حلقات مسلسلات وبرامج رمضان
و أيضا مشاهدة مباريات اليوم.. اونلاين
على هاتفك او الكمبيوتر بجودة عالية.. 
 
شاهد البث المباشر لجميع القنوات الفضائية أونلاين.. و مسلسلات رمضان
 على موقع هايل
 بجودة مناسبة لباقة النت الخاصة بك
 بوضوح و بدون تقطيع.. 
 
لكل الناس في أي مكان بـ العالم.. على الهاتف أو الكمبيوتر..
رمضان هذا العام أكثر تميزًا مع ⭐فيديو هايل⭐!
استمتعوا بأقوى المسلسلات، البرامج، والعروض الحصرية
التي تجمع بين الدراما، الكوميديا، والأكشن
بجودة لا تضاهى.
تابعونا فقط على موقع فيديوهات هايل الأصلي،
واحذروا المواقع المقلدة
حفاظًا على بياناتكم
وحمايةً لكم من أي مخاطر إلكترونية.
 
فيلم "الفلاحين اهم" بطولة سعيد صالح وآخرون واحد منتجات عمدة سينما المقاولات المخرج والمؤلف وكل حاجة في الفيلم الاستاذ ناصر حسين.

الفيلم بيحكي عن محروس بطل الملاكمة في كفر الهنادوة واللي في البداية بنشوف اهل بلده جايبين فرقة حسب الله وبيرقصوا احتفالا بابن بلدهم اللي نازل اسكندرية عشان يلعب في بطولة الجمهورة للملاكمة.

وبنشوف في الاول مشهد معتاد لأم محروس وهى بتديله الوصايا العشرة عشان يحافظ على نفسه من بنات الاسكندرية وانهم غير اي بنات على اساس انه مسافر المكسيك وان اسكندرية دي مش في مصر برضه والكلام ده بيكون بتزكية من مدربه "سعيد طرابيك" اللي واضح انه كان صايع قديم.

بيسافر محروس لاسكندرية وبنشوف شوية مشاهد ركيكة بتعبر عن انبهاره بمعالم اسكندرية وتمثال الجندي المجهول والكورنيش وعشان مفيش وقت بنتعرف على طول على الطرف الشرير في القصة وهو بطل وجه بحري كابتن محمد الاسمر الشهير بحمادة "عماد محرم".

كابتن حمادة الاسمر عشان شرير اوي لما بيقابل محروس بيعرف انه غير اي ملاكم لاعبه قبل كده وان البطولة في خطر عشان هو فلاح والفلاحين جامدين اخر حاجة وصعب يتغلبوا فبيقرر يعمل خطة شريرة يتخلص بيها من محروس عشان يكسب البطولة .. وطبعا كلنا عارفين لما نيجي ننهي مسيرة اي رياضي بنلجأ لشخص واحد بس !!!! ... الله ينور عليك الفنانة هياتم طبعا.

كابتن حمادة بيزق هياتم على محروس عشان تضيع مستقبله وبيوعدها انه حيديها الكاس "اه والله" والخطة بتمشي زي الحلاوة بس بيظهر بطل وجه قبلي "ضياء الميرغني" ضمن ثلاثي اكثر هبلا مكون من "محمد الشرقاوي" و"عهدي صادق" اللي جايين من الصعيد عشان البطولة.

بيحصل سوء تفاهم والخطة بيقع فيها بطل الصعيد لما بيتظبط عادي مع هياتم في كازينو بدل محروس، وبنشوف رئيس الاتحاد "احمد ادم" اللي كل شوية بينكش شعره وبيعمل تسريحة القرموطي لزوم الكوميديا وبيقرر انه يوقف ضياء الميرغني سنة ويستبعده من البطولة مع انه قفش سعيد صالح قبله مرتين مع هياتم وعمل عبيط عادي .. والمفاجاة ان هو اصلا كان على علاقة بهياتم برضه بس ما تدقش.

محروس بيحس بالذنب وبيقرر يكشفهم فبيعمل فخ لكابتن حمادة الاسمر بمساعدة "منى" اللي محدش عارف هى مين ولا دورها ايه وبيخليه يعترف ويسجله وييجي البوليس يمسك هياتم مش عارف بتهمة ايه وهى بتنهار وتقولهم حاعترف بكل حاجة اللي محدش عارف هى ايه برضه !!!

رغم الاعترافات دي لكن بس برضه بنلاقي ماتش النهائي بين محروس وحمادة الاسمر اللي بيعزق محروس علقة زي الفل لكن زي ما انت عارف وشوفت ٣٠٠ مرة قبل كده بيقوم محروس ويديله القاضية في الحتة الفاضية وسط هتافات حارة من من الجماهير في قاعة الملاكمة في نادي الاوليمبي "الفلاحين اهما ... حيوية وعزم وهمة".
التصنيف
افلام

Up Next